طباعة
فيديو: حكايا سكان بناية الطور المهددة بالهدم - الجزء الاول
حالة من الترقب، الحذر، الحزن، الألم، الحسرة، ودموع تختبأ هنا في بلدة الطور بمدينة القدس وتحديدا في هذه البناية ..
وألف سؤال وسؤال يخيم على ملامح ساكنيها ..
10 شقق سكنية تأوي ما يقارب 75 فردا نصفهم من الأطفال، ولكل عائلة حكاية ..
وان بدت الحكايات متشابهة في خيبتها ومأساتها وطريقها الصعب لتملك منزل..
الا ان بلدية الاحتلال قررت سلبه منهم، لتواجه العائلات خطر التشرد بلا أي مأوى ..
الرابع عشر من هذا الشهر هو تاريخ لجلسة جديدة لمناقشة طلب أحد السكان بعدم تبليغه بقرار الهدم ..
المحامي مدحت ديبة
وجدنا في مجال لعمل شيء ما في الملف وايقاف أمر الهدم باذن الله هي محاولة و ان شاءالله بننجح فيها وخاصة انه أمر الهدم الصادر في غموض بخصوص بعض الشقق امر الهدم على العمارة بشكل عام و لكن بتفاصيل لائحة الاتهام يوجد اشخاص يسكنون في هذه العمارة و لم يتلقوا أي بلاغ ان عمارتهم او مسكنهم سيهدم من خلال قرار المحكمة "شؤون البلدية"
حصلت الآن على توكيل خاص من قبل السيد مصطفى أبو سبيتان "وهو مالك الشقة" التي لم يتعرض لها قرار الهدم ونحن بصدد تقديم طلب احترازي مستعجل لمحكمة شؤون البلدية لوقف اجراءات الهدم خاصة ان الشقة تقع في الطابق الخامس ومن غير الممكن هدم عمارة يوجد فيها شقة ليس بحقها امر هدم
هنا تعيش عائلة أبو الحلاوة منذ تسع سنوات ..
محتويات منزلها في الكراتين وجدران خلت الا من بالونات حملت ارقام أعمار ايليا ومريم بعد الاحتفال بيوم ميلادهما الذي قد يكون الاخير في المنزل..
ميسر قلقة من تشرد في فصل شتاء يجرها لبرد قارص بلا جدران تدفي طفلاتها الثلاث، مريم التي تعتني بنباتات المنزل على أمل أن يكبروا معها هنا، وهذه جوليا تهتم بالعصافير أما ايليا فهي اصغرهن 5 سنوات تخوض نقاشا أكبر من عمرها مع والدتها ..
اليهود خربوا كلشي ..
ميسر أبو الحلاوة
انا مش متخيلة انه بيتي راح ينهدم و عقلي ما بيستوعب هدا الشيء والله الشارع راح اشتاقله فما بالك بيتي 9 سنين رايحة جاي .. حيطان بيتي انا هديك اليوم عبطت الحيط صرت ابكي بيتي انا تعبانة في مش بيت عادي هدا بيتي انا تعبانة عليه انا لما بنيت هاد البيت بنيناه بتعبنا وشقانا
احنا ناس مناضلين مكافحين الحياة بالقدس مش بسيطة انا بيتي بحبه كيف ربيت بنتي 10 سنين هاد بيتي انا قاعدة في 10 سنين كل ركن في بعز علي كل حيطة في بتعز علي
مريم ابو الحلاوة
فضينا الدار و صرنا انام على الفرشة عشان اليهود بدهم يهدوا دارنا
جوليا ابو الحلاوة
احنا كنا عايشين فيها 9 سنين وغرفتنا و دارنا كلها بدهم يهدوها
عنجد نصدمت انه تم الرفض وبتوقيع شخص واحد راح تنهد عمارة وتتشرد 10 عائلات
بروح عالمدرسة وانا زعلانة مش عارفة ادرس مش عارفة أركز
انتِ متخيلة اصلاً حياتنا كيف؟ اشغالنا كيف؟ كلياتها واقفة كل شيء واقف
وهنا انقلبت أحوال عائلة بدر فبعد أن كانت تستعد لتحضيرات عرس نجلها نجدها اليوم تتحضر للهدم، حسام العريس بات مستقبله قاتم وشقيقته مروة طالبة في الثانوية العامة احلامها باتت مبعثرة، أمهم صفاء خيبتها كبيرة، ووالدهم وائل يروي بحسرة ما آل اليه الحال ..
وائل بدر
احنا شادين حالنا وكلشي تمام متل الناس مبسوطين الا انه اليوم بنلاقي حالنا انكسرنا كسرة مش طبيعية ومش عارفين شو بدنا نسوي
حسام بدر
انا كنت مخلص كلشي و كنت منسق وقتي ع اساس بفترة شهر 1 اكون مخلص كل الدار تكون جاهزة بدي أهيء كل الدار انه تكون جاهزة للعيشة وكان عرسي بشهر المفروض بشهر واحد وحالياً مش عارف ش بدي اعمل بدنا نطلع نستأجر ندبر حالنا
مروة بدر
غرفة دار اخوي هون كنت مبسوطة كتير بعدين لما عرفنا بأمر الهدم زعلنا كلنا من جواتنا.. كان جو الدار نقلب كنا كلنا مبسوطين صرنا كلنا زعلانين مش قادرين نحكي مع بعض
صفاء بدر
الوضع كتير صعب المفروض نكون فرحانين و مستعدين للعرس حالياً لا مستعدين ولا فرحانين مش قادرين نفرح اصلاً الوضع كتير صعب حتى ابني تأمل و عمل الدار على اساس انه يستقر فيها وينبسط عريس يعني وحلم الحمدلله كله نهد
قاعدين بندفع أرنونا 7000 شيكل ودفعنا كمان ضريبة املاك82 ألف شيكل بندفع عليها و عليها كمان مخالفة بندفع كل شهر 1250 شيكل من سنة 2011 بندفعها علينا مخالفة 75 ألف العمارة هاي
فش كل المعنويات تحطمت ما في ولا اي اشي دافع يخليني اوقف على اجري
انا شاطرة بالمدرسة و المعلمات بعرفوا اني شاطرة بس حكولي ليش هيم صار قلتلهم بسبب أمر الهدم فهمه حكولي مش لازم بأثر عليكِ وان شاءالله خير كله
تعبنا كمان كليتنا و بنتي توجيهي السنة فتعبنا اكتر و اكتر لانه فش جو لا جو انبساط ولا للعرس نفرح ولا لبنتي الي بدها تنجح ان شاءالله مش عارفين شو بدنا نعمل
العائلات انهكوا جميعا من دفع مخالفات البناء وضريبة الاملاك وتكاليف المحامين والمساحين والمهندسين ومحاولات شتى للحصول على ترخيص منذ سنوات دون جدوى.
البلدية تدعي انها ستشيد مدرسة مكان البناية، والسكان يتسائلون كيف يدرس طفل على أنقاض مأوى طفل أخر!
يتبع ..
