طباعة
فيديو:3 أطفال من غزة لا يفترض ان يكونوا بالمشفى
محمد، نايف، وليان .. هم ثلاثة أطفال من مدينة غزة
لا يفترض بهم أن يكونوا هنا، على سرير المشفى، لا يقون على الحركة ولا حتى على فتح أعينهم، مقيدين بأجهزة التنفس، محاصرين بمعدات طبية، لم يتخيلوا ذلك ولا حتى بأسوء كوابيسهم ..
يفترض أن يكونوا على بحر غزة يلهون،و يسحبون، أو في أزقتها يلعبون، ، ويركضون، أو حتى على مقاعد الدراسة يدرسون، أو في حضن والديهم! هذا الافتراض كان قد يغدو واقعا لو أن الشظية أخطأتهم ، أو رحمت طفولتهم وقلة حيلتهم، لو أن الشظية أدركت أنهم أطفال لا ذنب لهم، لكانوا اليوم يمارسون حياة طبيعية، أو على الأقل شبه طبيعية كأي طفل عاصر حروب غزة.
نقلوا الى مشفى المقاصد بالقدس، عل أحد أحلامهم كان أن يخرجوا في نزهة تتجاوز حدود غزة ليصلوا القدس، كيف لا وغزة محاصرة منذ 15 عاما، وأكبر هؤلاء الأطفال\
لم يتجاوز ال 10 أعوام، لكن لم يكن بحسبانهم أن يصلوها نقلا من سيارة اسعاف الى أخرى، يصلوها ليجروا عدة عمليات في الرأس والرئة وأعضاء أجسادهم الصغيرة،.
ليان كانت تلهو على شاطئ البحر، أما محمد فكان في زفاف ابنة عمه، ونايف كان في طريقه للبقالة، هذه هي لحظات اختراق الشظية لجسدهم ، قصص أليمة لواقع أكثر ايلاما رصدها مركز معلومات وادي حلوة، التقى أهالي الأطفال الثلاثة ورصد الحالة الصحية لهم
جدة محمد أبو كتيفة
"كانوا بعرس بنت عمو، جابوا العروس ونزلوها، خلصوا العرس وطلعوا، كلهم كانوا طالعين بسيارة كبيرة مروحين، طب الصاروخ جمب السيارة، استشهدت ام العريس وبنة ابنها وستة من الاطفال كانوا جرحى من ضمنهم محمد، ومن ضمنهم محمد ابو عياد اجا ع مستشفى رام الله مبارح، والباقيين بمستشفى غزة،الو 3 خوات بنات، امو من يوم اصابة ابنها ما بتاكل ولا بتشرب بس عايشة ع المحلول، مجزرة صارت مجزرة، كنا عاملين فرح ضيق عرس بالدار، انا ستو ام امو، ستو ام ابو بتحكيلو ما تنزل عشان الصواريخ، حكالها انا زلمة انا فلسطيني ما بخاف من الصواريخ واول ما نزل صار القصف، احنا ساكنين بمنطقة حدودية الصواريخ من فوق روسنا ببيت لاهيا ، الله يعين الاهل، بنتي ام الشهيدة ضلت ساكتة من حد ما اجاها خبر استشهاد بنتها، سيارة كاملة انقصفت وكلهم استشهدوا سلفتها وعمتها وعمها ، وتاني صدمة لما استشهدت بنتها، خليت العزا فاتح بعزا بنت بنتي اليوم اخر يوم بالعزا اضطريت اجي مع محمد".
عمة نايف العودات
"كان بزيارة لبيت ستو بخانيونس، راح ع الدكان يشتري نزل الصاروخ ع راسو، ان شا الله ربنا بشفيه، دار ستو قريبة من الدكان، خطوتين ، شوي الا همه ملاقينو ع الدرج وبنزف ودوه ع المستشفى، لو بدك تربطي مش راح يقعد حركتو كتيرة، نايف بجنن وحرك وبضل يروح ويجي ويساعد فش زيوو، الصاروخ نزل وما صاب ولا حدا الا نايف، في زلمة بالصدفة كان مارق وشافوا بنزف واخدو على المستشفى"
"الاصابات 3 ولدين 8 و9 سنين وبنت 10 سنين جميع الاصابات بالراس واصابات مباشرة وكمان بالاجزاء التانية بالصدر والرئة بس الاصابات المباشرة بالدماغ وفي واحد من الاطفال دماغو طالع لبرا، وجميعهم مش صاحيين ع اجهمزة التنفس الاصطناعي"
محمد ابو كتيفة 8 سنوات
"محمد أبو كتيفة ، الاصابة شظية مباشرة بالرأس وشظايا على الجهة اليمنى بالرئة، هو بحالة غيبوبة، على جهاز تنفس اصطناعي، المرافقة جدته لانو الام بوضع سيء وبالمستشفى، وهو كان بالعرس، وقرايبه ام العريس توفقت وبنت خالتو استشهدت وهو على الادوية القلب والضغط تحت المراقبة"
نايف العودات "9 سنوات"
" هاد الطفل الاصابة كانت مباشرة بالرأس ـ حاليا جزء من الدماغ بالخارج، هو على جهاز تنفس اصطناعي، خلال دقائق سوف يدخل العمليات، الموجودة معاه عمتو وكان هذا المريض رايح يزور ستو وهو بالاصل مريض قلب وعامل عمليات من زمان، كان رايح يشتري من الدكان واجت القذيفة جمبو المريض طار بالسما ونزل، حاليا بنعطيه بدم"
ليان الشاعر "10 سنوات"
"دخلوها العمليات بغزة عملولها عملية براسها، اسعفوها وحاولو كتير لكن اللي بشتغل هلأ قلبها وبس"
